بنگلادیش کے کرکٹرز نے پاکستان سپر لیگ کے سیزن 11 میں شرکت کے لیے پاکستان کی جانب سفر شروع کر دیا ہے۔
بنگلادیشی کھلاڑی مستفیض الرحمٰن، ناہید رانا، شرف الاسلام اور پرویز حسین ڈھاکا سے لاہور کے لیے روانہ ہو گئے ہیں۔
حیدرآباد کنگزمین کے غیر ملکی پلیئرز بھی پاکستان پہنچنا شروع ہو گئے ہیں۔
حیدرآباد کے کپتان مارنوس لبوشین لاہور جبکہ سری لنکا کے کوسال پریرا اور آسٹریلیا کے رائلی میرڈیتھ بھی پاکستان پہنچ چکے ہیں۔
آسٹریلیا کے گلین میکسویل آخری پانچ میچوں کے لیے ٹیم کو جوائن کریں گے جبکہ ٹیم راولپنڈیز میں شامل جسٹن کیمپ بھی پاکستان پہنچ گئے ہیں۔
اسی طرح اسلام آباد یونائیٹڈ کے اسکواڈ میں شامل نیوزی لینڈ کا کوچنگ اسٹاف اور اسکواڈ میں شامل مارک چیپ مین اور ڈیون کونووے بھی پاکستان پہنچ گئے ہیں۔
