بوسنیا ہرزیگووینا کی انڈر 21 فٹبال ٹیم کے کھلاڑیوں نے ہنگری کے دارالحکومت بڈاپسٹ میں کھیلے گئے یو ای ایف اے یورپین انڈر 21 چیمپئن شپ کوالیفائنگ میچ سے قبل احتجاجاََ اسرائیلی ٹیم کے کھلاڑیوں سے ہاتھ ملانے سے انکار کر دیا۔
فٹبال گراؤنڈ میں بوسنیا ہرزیگووینا کے کھلاڑیوں کی جانب سے اُٹھائے گئے اس غیر معمولی اقدام کی ویڈیو سوشل میڈیا پر وائرل ہے یہ اقدام اسرائیلی کھلاڑیوں کے خلاف بڑھتے ہوئے عالمی دباؤ کی عکاسی کرتا ہے کیونکہ غزہ میں جاری اسرائیلی بربریت کے خلاف دنیا بھر میں غصہ بڑھ رہا ہے۔
میڈیا رپورٹس کے مطابق اسرائیلی جارحیت کے نتیجے میں اب تک غزہ میں کم از کم 73 ہزار 188 معصوم فلسطینی شہید ہو چکے ہیں۔۔
