محکمۂ موسمیات کا کہنا ہے کہ شہر میں آج 50 ملی میٹر یا اس سے زائد بارش ہو سکتی ہے جبکہ تیز ہواؤں کے ساتھ گرج چمک بھی رہے گی۔
محکمۂ موسمیات نے کہا ہے کہ شر میں چلنے والی ہواؤں کی رفتار کل کے مقابلے میں کم رہے گی، انتظامیہ کو تیز ہواؤں سے متعلق آگاہ کیا گیا تھا، شہر میں بل بورڈز گرنے کے واقعات بھی ہوئے ہیں۔
کراچی کے مختلف علاقوں میں وقفے وقفے سے بارش جاری ہے۔
واضح رہے کہ گزشتہ روز کراچی میں ہونے والی بارش کے دوران مختلف حادثات میں جاں بحق افراد کی تعداد 19 ہو گئی ہے۔
چھت اور دیواریں گرنے سے 60 افراد زخمی بھی ہو گئے جنہیں اسپتال منتقل کیا گیا ہے۔
