چینی وزارتِ کامرس کے ترجمان نے اپنے بیان میں کہا ہے کہ ٹیرف میں اضافے کے تمام اقدامات کی مخالفت کرتے ہیں، تجارتی جنگوں میں کوئی فاتح نہیں ہوتا، امریکی یکطرفہ اقدامات ناصرف بین الاقوامی اقتصادی و تجارتی قواعد بلکہ اس کے اپنے قوانین کی بھی خلاف ورزی ہیں۔
انہوں نے مزید کہا کہ امریکی اقدامات تمام فریقین کے مفادات کے منافی ہیں۔
چینی ترجمان کا کہنا ہے کہ چین ناصرف ٹیرف برقرار رکھنے کے امریکی متبادل اقدامات پر گہری نظر رکھے ہوئے ہے بلکہ اپنے مفادات کا بھی بھرپور تحفظ کرے گا۔
بھارتی میڈیا کا کہنا ہے کہ اندازے کے مطابق نقصان کا تخمینہ براڈ کاسٹرز گیٹ منی اور دیگر اسپانسر شپ کی مد میں لگایا گیا، پاک بھارت میچ کی بحالی کے فیصلے کے فوری بعد ممبئی اور کولمبو کے ایئر ٹکٹ میں اضافہ دیکھا گیا۔ بھارتی میڈیا کے مطابق ممبئی اور کولمبو کے ٹکٹ میں ابتدائی طور پر 10 سے 60 ہزار روپے تک کا اضافہ ہوا ہے اور پاک بھارت میچ کی وجہ سے کولمبو میں ہوٹل انڈسٹری نے بھی خوشی کا اظہار کیا ہے۔ کئی کرکٹ شائقین نے پاکستان کے میچ کے بائیکاٹ کے بعد ہوٹل کی بکنگ منسوخ کرنے کے لیے رابطے بھی کیے ہیں جبکہ کئی کرکٹ شائقین پاک بھارت میچ کے ٹکٹوں کی ری فنڈنگ کی پالیسی کے حوالے سے معلومات حاصل کر رہے تھے۔
