وزیراعظم محمد شہباز شریف نے کہا ہے کہ ماضی میں ادارے بدعنوانی کی نذر ہوئے، اب کرپشن اور میرٹ کی خلاف ورزی کی گنجائش نہیں، جس طرح ہم نے ملک کو بحرانوں سے نکال کر ترقی کی راہ پر گامزن کیا، اسی طرح ملک کے کونے کونے میں عوامی منصوبوں کے جال بچھائے جا رہے ہیں، اتھارٹی خطے میں سینٹر آف ایکسیلنس بنے گی، چاول کی برآمد کے حوالے سے شکایت پر اس ادارے کا سارا عملہ تبدیل کر کے ان کو سرپلس پول بھیج دیا۔ان خیالات کا اظہار انہوں نے پنجاب ایگری کلچر فوڈ اینڈ ڈرگ اتھارٹی کی افتتاحی تقریب سے خطاب کرتے ہوئے کیا۔
ماضی میں ادارے بدعنوانی کی نذر ہوئے، اب کرپشن اور میرٹ کی خلاف ورزی کی گنجائش نہیں، وزیراعظم
