امریکا سے اپیل ہے وہ مزید اس میں نہ اُلجھے، یہ آپ کی جنگ نہیں ہے، عمان

امریکا اور ایران جوہری مذاکرات کروانے والے عمان نے ایران پر امریکی و اسرائیلی حملوں کے بعد امریکا سے اپیل کی ہے کہ وہ مزید اس میں نہیں الجھے، یہ اس کی جنگ نہیں ہے۔

عمانی وزیر خارجہ بدرالبو سعیدی نے سماجی رابطے کی ویب سائٹ ایکس پر جاری اپنے بیان میں  کہا کہ آج کے حملوں پر بہت افسردگی اور پریشانی ہے، فعال اور سنجیدہ مذاکرات کو ایک بار پھر نقصان پہنچایا گیا۔

بدرالبو سعیدی نے کہا کہ یہ حملے نہ امریکا کے مفادات کے لیے مفید ہیں نہ ہی عالمی امن کے لیے، ان معصوم لوگوں کے لیے دعا گو ہیں جو اس کا خمیازہ بھگتیں گے۔